Irgendeinisch... wird niemer meh öppis säge!
Ig weis es, alli wärde singe!
Wörter si uf d’Ärde abegheit wie Räge,
Und us üsne Müler wärde tollschti Tön erklinge.
Irgendeinisch... wird alles xeit si, wo het müesse si,
Stilli wird sich uf dr Wält usbreite,
Und wüeschti Wörter hät me besser ganz lasi,
D’Rueh cha meh nüm us ihrne Fuege leite.
Irgendeinisch... wärde d’Vögel mit de Mönsche zäme töne,
Hass wird nume no dür D-Dur witergä.
Die ganzi Seel lat sich mit Liebeslieder la verwöhne,
Es isch es einzigs gäh und näh.
Irgendeinisch... wird ou das Stück sich zum Ändi neige,
Dr letschti Ton isch denn verbii,
Nidemau dr schönschti Klang darf sich vor beschte Site zeige,
Was när chunnt wird nieme si, wies mal isch xi.
Keine Kommentare:
Kommentar veröffentlichen